Sekiles : Wujudmu gere tekies - Tempuhtamah.com

"Sedang Dalam Reparasi"

f

Breaking

Post Top Ad

Responsive Ads Here

Friday, November 16, 2018

Sekiles : Wujudmu gere tekies



Ike genap rencana wan cerak pakat,
keta ku lanjuten langkah kati mudekat,
ike sawah kase aku ku batang ruang,
enti oloktu kao naos cengang
ike ken dele ni buet renye ara cerak sibuk,
keta aku si nutu bubuk.

kao wan sejarah,
gere telas bier ku sino orom ku erah,
tapi seni kao orom aku wan sara arah,
sehinge akupe gere neh pusesingah-singah.

Wan cara relem kucube nawe iwasni kulem
rupen gere terbantah relem kalah orom denem,
sebuku naru gere tejengkali wan sara kelem,
tempuh tamahe gere teringeti sari orom simen.

Ike kao nge mepat janyi sara sagi,
akupe rela lepas tulen teridah usi,
kati sadar oya gere tesawahi,
kerna wan gelisah mupinah ruje ari benang tali.

ken teridahmu gere oloktu aku muberakah,
sara kesah meh bene luah masalah,
belangimu si naos tenang,
sisumu si naos kemang.

No comments:

Post a Comment

Post Bottom Ad

Responsive Ads Here